វិជ្ជា៨ ប្រការ

ក្នុងអត្ថបទមុនយើងបានស្គាល់ពីវិជ្ជា៣ របស់ព្រះសម្មាសម្ពុទ្ធរួចហើយ ឥឡូវនេះសូមស្វែង
យល់អំពីវិជ្ជាប្រាំបីប្រការដូចតទៅៈ

១- វិបស្សនាញាណ ពិចារណាឃើញរូបនិងនាម។ សំដៅយកប្រាជ្ញា សម្រាប់ពិចារណា
ឃើញច្បាស់នូវបញ្ចក្ខន្ធ ព្រមទាំងការញែកបញ្ចក្ខន្ធចេញជារូប ជានាមដោយចំណែកៗ និង
ការឃើញច្បាស់នូវធម៌ជាបច្ច័យរបស់នាមនិងរូប។

២- មនោមយិទ្ធិ ឫទ្ធិដែលសម្រេចដោយចិត្ត ។ សំដៅយកឫទ្ធិដែលកើតឡើងបានដោយ
អំណាចចិត្តគឺថា បើចិត្តចង់និម្មិតកាយរបស់ខ្លួនពីមុនឲ្យឃើញទៅជាកាយដទៃវិញ ដូចជា
គេដកបណ្តូលស្មៅយ៉ាប្លងចេញពីទងស្មៅយ៉ាប្លង ឬដូចជាគេហូតដាវចេញពីស្រោម។
មួយទៀត ឫទ្ធិរបស់ចិត្តដែលបានអប់រំល្អហើយ ជាហេតុឲ្យក្លៀវក្លា អង់អាច គិតការអ្វីបាន
ដូចចិត្តគ្រប់យ៉ាង មិនមានការទើសទាក់សល់ជំពាក់។

៣- ឥទ្ធិវិធៈ សំដែងឫទ្ធិបាន។ សំដៅយកការសំដែងឫទ្ធិផ្សេងៗបាន ដែលហួសវិស័យ
របស់ជនសាមញ្ញ ដូចយ៉ាងមនុស្សម្នាក់អាចនិម្មិតឲ្យទៅជាច្រើននាក់បាន ដើរពានកាត់
គ្រឿងបិទបាំងដូចជាជញ្ជាំងឬកំពែងក៏បាន មុជក្នុងដីដូចមុជក្នុងទឹកក៏បាន ដើរលើទឹកដូច
ដើរលើដីក៏បាន ហោះទៅលើអាកាសដូចសត្វបក្សីហើរក៏បាន ស្ទាបអង្អែលព្រះអាទិត្យព្រះ
ចន័្ទដោយដៃក៏បាន។

៤- ទិព្វសោតៈ ត្រចៀកទិព្វ។ សំដៅយកការស្តាប់សំឡេងក្នុងទីជិតឆ្ងាយបាន ទោះបីជា
សំឡេងមនុស្សឬជាសំឡេងទេវតា ជាត្រចៀកកន្លងហួសវិស័យនៃត្រចៀកសាមញ្ញជន។

៥- ចេតោបរិយញ្ញាណ កំណត់ដឹងចិត្តអ្នកដទៃបាន។ សំដៅយកការទាំយចិត្តគំនិតរបស់
អ្នកដទៃដែលត្រិះរិះគិតទៅរកហេតុណាមួយក៏អាចដឹងបានដោយការកំណត់អធិដ្ឋានចិត្តា
នុភាពរបស់ខ្លួនទៅស្ទាក់ដេញតាមរកចិត្តគំនិតរបស់បុគ្គលដទៃដោយចិត្តដ៏បរិសុទ្ធ របស់ខ្លួន
ដូចមានសេចក្តីដឹងថាចិត្តរបស់បុគ្គលនោះៗបរិសុទ្ធឬសៅហ្មងជាដើម។

៦- បុព្វេនិវាសានុស្សតិញ្ញាណ ញាណគឺការរលឹកឃើញនូវខន្ធបញ្ចកៈ(ខន្ធ៥) ក្នុងជាតិមុន។
ការដឹងនូវជាតិ គឺការរលឹកឃើញនូវខន្ធបញ្ចកៈដែលធ្លាប់កើត ធ្លាប់នៅក្នុងភពមុនបាន គឺរលឹក
ឃើញ ជាតិថយក្រោយក្នុងកាលដែលកន្លងទៅហើយ តាំងអំពីមួយជាតិ ពីរ ជាតិ បីជាតិ
រហូតដល់អនេកជាតិថា “ក្នុងកាលនោះអាត្មាអញបានកើតក្នុងទីនោះ មានឈ្មោះយ៉ាងនេះ មាន
គោត្តយ៉ាងនេះ មានវណ្ណៈយ៉ាងនេះ មានអាហារយ៉ាងនេះ មាន សុខទុក្ខយ៉ាងនេះ មានអាយុ
ប៉ុណ្ណេះៗជាដើម។ លុះច្យុតអំពីជាតិនោះហើយ ក៏ទៅកើតក្នុង ទីនោះៗ លុះមកអំពីទីនោះក៏មក
កើតក្នុងទីនេះ”។ ការយល់ធ្លុះធ្លាយឃើញព្រឹត្តិការណ៍ របស់ជាតិក្នុងកាលមុនដូច្នេះ ទើបឈ្មោះ
ថា “បុព្វេនិវាសានុស្សតិញ្ញាណ” គឺឃើញការវិល កើតវិលស្លាប់តាមយថាកម្មរបស់សត្វ។

៧- ចុតូបបាតញ្ញាណ ញាណក្នុងការកំណត់ឃើញនូវចុតិនិងបដិសន្ធិនៃពួកសត្វ។ ការដឹងច្បាស់
នូវចុតិនិងបដិសន្ធិ គឺការឃ្លាតចាកជីវិតនិងការចាប់កំណើតបាន ដោយការឃើញពួកសត្វដែល
កំពុងច្យុតក៏មាន កំពុងចាប់កំណើតក៏មាន ដឹងច្បាស់ថា “ពួកសត្វទាំងនោះមានគតិផ្សេងៗគ្នា
ខ្លះថោកទាប ខ្លះខ្ពង់ខ្ពស់ តាមយថាកម្មរបស់ខ្លួនៗ ដោយអំណាចផលវិបាកនៃការប្រព្រឹត្តរបស់
ពួកសត្វ”។ ការដឹងច្បាស់នូវចុតិនិងបដិសន្ធិនៃ ពួកសត្វដូច្នេះ ទើបឈ្មោះថា “ចុតូបបាតញ្ញាណ”។

៨- អាសវក្ខយញ្ញាណ ញាណក្នុងការធ្វើឲ្យអស់នូវអាសវៈ ។ ការដឹងច្បាស់នូវហេតុជាទី
អស់ទៅនៃអាសវៈនោះ បានដល់ការដឹងច្បាស់តាមពិតថា “នេះជាទុក្ខ នេះជាសមុទ័យ
(ហេតុឲ្យកើតទុក្ខ) នេះជានិរោធ (ការរលត់ទុក្ខ) នេះជាមគ្គ (ផ្លូវប្រតិបត្តិដើម្បីរំលត់ទុក្ខ) នេះជា
អាសវៈ នេះជាហេតុដែលអោយកើតអាសវៈ នេះជា សេចក្តីប្រតិបត្តិដើម្បីឲ្យអស់អាសវៈ” កាល
ដឹងច្បាស់ដូច្នេះហើយចិត្តក៏រមែងរួចចាក អាសវៈទាំង៤ ប្រការ គឺកាមាសាវៈ ភវាសវៈ ទិដ្ឋាសវៈ
និងអវិជ្ជាសវៈ ។ ដឹងច្បាស់ថាជាតិ របស់អាត្មាអញអស់ហើយ ព្រហ្មចរិយធម៌អញបានប្រព្រឹត្តចប់
ហើយ ករណីកិច្ចរបស់អញ បានសម្រេចហើយ កិច្ចដែលត្រូវចម្រើនតទៅទៀតពុំមានឡើយ”។

ទាំងប្រាំបីនេះប្រការនេះហៅថា វិជ្ជា៨ ប្រការ។

(វិជ្ជា៦-៨ខាងក្រោយ បានរៀបរាប់ក្នុងវិជ្ជាបីរួចម្តងហើយ)។

Advertisements

About ភិក្ខុធម្មានន្ទ

បើស្រឡាញ់ខ្លួន កុំពួនធ្វើបាប! សូមស្វាគមន៍ព្រះតេជគុណ អស់លោក លោកស្រី យុវ័នយុវតី ពូ អ៊ំ មីង មា គ្រប់​ស្រទាប់ គ្រប់​ទិស​ទី​ទាំង​អស់! សូម​អរ​គុណ​ដែល​បាន​ចូល​មក​ដល់​ទី​នេះ។ បានជាមកដល់ ទីនេះហើយ សូមកុំរារែកក្នុងការចែករំលែក យោបល់នានាតាមការគួរ! ចូរចម្រើនគ្រប់គ្រប់គ្នា!!
អត្ថបទនេះត្រូវបាន​ផ្សាយក្នុង ព្រះពុទ្ធ, ព្រះពុទ្ធសាសនា។ ប៊ុកម៉ាក តំណភ្ជាប់​អចិន្ត្រៃ​យ៍​

15 Responses to វិជ្ជា៨ ប្រការ

  1. ជួន ថា:

    សូមសរសេរអក្សរខ្មែរ អោយស្រួលស្តាប់តិចទៅ! បើសរសេរអក្សរបាលី ពន្យល់មក អក្សសរខ្មែរដូចឆ្កួត អោយជឿមេចទៅ? សូមសរសេរពាក្យខ្មែរសំរាយៗ ទើបអ្នកអានងាយយល់! អរគុណ។

  2. pykhmer ថា:

    ល្អណាស់ សូមសរសេរកាន់តែច្រើនមកសំរាប់ជនរួមដឹងឲ្យច្បាស់។
    ខ្ញុំបានយល់ណាស់។បើទោះជាខ្ញុំទើបរៀនថ្នាក់១០ក៏ដោយ។

    ពូ ជួន ប្រើពាក្សដូចក្មេងមិនចេះអក្សរ

    អរគុណ

  3. Som sokha ថា:

    Thank you very much for this text, Venerable, I hope that I will get good and new ideas from you. I am sorry this computer could not write in khmer language. I could not fine Vichea 6 and I hope that you will help me on that and I hope that I will see the Charanak 15 more from you.

    Regards,
    Som sokha

  4. ខ្មែរបូរាណ ថា:

    ខ្ញុំ ព្រះករុណា សូមថ្វាយបង្គំ ព្រះតេជគុណ និង ជំរាបសួរញាតិមិត្តទាំងអស់!!

    ហេតុអ្វី ជូន ពោលវាចា មិនគប្បី ក្នុងទីនេះ ដូច្នេះ ? សូម ជូន បញ្ចាក់ផងបានទេ តើ
    អ្នកសរសេរឆ្ពោះទៅកាន់បព្វជិត ឬ ឃារាវាស ម៉្យាងប្រសិនបើយើងជាអ្នកកាន់ព្រះ
    ពុទ្ធសាសនាយ៉ាងខ្ជាប់ខ្ជួនមែន គួរណាស់តែជ្រើសរើសពាក្យ មកប្រើប្រាសឱ្យបាន
    សមរម្យថ្លៃថ្នូរ ប្រសើរជាងនេះបានដែរឬទេ ?

    សូមមេត្តាអនុគ្រោះ!!

  5. ខ្មែរបូរាណ ថា:

    ខ្ញុំ ព្រះករុណា សូមអារាធានា​ ព្រះតេជគុណ និមន្តពន្យល់ អំពី រូបធម៌ និង នាមធម៌
    តើ មានលក្ខណៈខុសគ្នាដូចម៉្ដេច?

  6. សង​​ ស៊ីយូ ថា:

    ខ្ញុំព្រះករណាមានសេចក្តីសោមនស្សរីករាយណាស់​ដែល​បាន​បង្ហាញ​ពាក្យ​ប្រៀន​ប្រដៅ​ដល់​សាធុជន​ទាំង​អស់​គ្នា។​ សូម​ព្រះករុណា​ជាម្ចាស់​ជួយ​បង្ហាញ​ផ្លូវ​កូន​ខ្មែរ​ផង។

  7. ខ្ញុំព្រះករណាមានសេចក្តីសោមនស្សរីករាយណាស់ដែលបានបង្ហាញ
    ពាក្យប្រៀនប្រដៅដល់សាធុជនទាំងអស់គ្នា។សូមព្រះករណាជាម្ចាស់ជួយ
    បង្ហាញផ្លូវកូនខ្មែរផង។/

  8. ខ្ញុំព្រះករណាមានសេចក្តីសោមនស្សរីករាយណាស់ដែលព្រះអង្គបានបង្ហាញ
    ពាក្យប្រៀនប្រដៅដល់សាធុជនទាំងអស់គ្នា។សូមព្រះករណាជាម្ចាស់ជួយ
    បង្ហាញផ្លូវកូនខ្មែរផង។/

  9. Pingback: ចរណៈ ១៥ យ៉ាង | គេហទំព័រព្រះពុទ្ធសាសនាខ្មែរ

  10. Morokat ថា:

    First, my great thank to Ven. Dhamananda and Ven. Saloeurm and all his followers. I am really appreciated their precious works!. Nevertheless, I study very little about Buddhist Dhama via listening to radio broadcasting even in Phnom Penh while I stayed and work there and still do in Battambang. Every think in the link are new and still new to me.

    My Buddha, could you please do me a favor? I am trying practicing Anapanak Sate kamathan via Goenga theory but I still can not concentrate on my breath even a minute because of dreaming and always fallen asleep while closing my eyes even at the center and back home.

    Thank you for your correspondent.

    With respect,
    Morokat.

  11. Pingback: វិជ្ជា៨ ប្រការ | GNN

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s