បណ្ណសារប្រចាំថ្ងៃ៖ ខែកក្កដា 25, 2010

គេហទំព័រព្រះធម៌សម្រាប់ខ្មែរ គឺជាគេហទំព័រពុទ្ធសាសនាខ្មែរដែលបរិបូណ៌វិសេសវិសាលទៅ ដោយសៀវភៅព្រះធម៌និងសម្លេងធម្មទេសនា ។ល។ នាំប្រយោជន៍ដ៏ឧត្តុងឧត្តមដល់ខេមរបុត្រ គ្រប់ទិសទីដែលចង់ស្វែងយល់អំពីពាក្យប្រៀនប្រដៅរបស់ព្រះសម្មាសម្ពុទ្ធជាម្ចាស់។ រយៈពេលកន្លងមកថ្មីៗនេះ គេហទំព័រនេះត្រូវបានផ្លាស់ប្តូរអាសយដ្ឋានម្តងហើយម្តងទៀត (ប្រហែលជាមកពីបញ្ហាសវ៉ារបស់បណ្តាញ) ។ ក្រែងលោសាធុជនទាំងឡាយក្នុងអាណាចក្រ wordpress, facebook, twitter និងតំបន់ផ្សេងៗទៀតរកពុំទាន់ឃើញ ក៏សូមយកមកផ្សព្វផ្សាយ ចែកជូនក្នុងទីនេះ ដើម្បីជាប្រយោជន៍ដល់ការសិក្សាតទៅ ។ សូមចុចតំណភ្ជាប់ខាងក្រោមនេះ www.dhamma4khmer2.org ។ សូមសន្តិភាពកើតមានក្នុងដួងចិត្តខ្មែរគ្រប់រូប!

ពាក្យថា“ពាល” ជាពាក្យបាលី សំស្ក្រឹត ដែលប្រែថា ទន់, ដែលនៅក្មេង, ល្ងង់ខ្លៅ, មិនឈ្លាស, កាចសាហាវ, អាក្រក់។ ពាក្យថាពាល ក្នុងព្រះពុទ្ធសាសនា បានន័យថា “អ្នកកាត់បង់នូវប្រយោជន៍ខ្លួន និងប្រយោជន៍អ្នកដទៃ”។ បុគ្គលពាល ចូលចិត្តប្រព្រឹត្តនូវអំពើពាលាអាវ៉ាសែ ខុសពីសង្គមដែលមានការរស់នៅប្រកប ដោយសុជីវធម៌ ។ ជាមនុស្សថោកទាបលើកតំកើងតម្លៃខ្លួនឯងថាប្រសើរថ្លៃថ្លាខ្ពង់ខ្ពស់ជាង អ្នកដទៃ ដោយចិត្តជោរជំនោរខាងរឹងត្អឹង ក្រអឺតក្រអោងកោងព្រហើន មើលទៅអ្នកដទៃថា មិនគ្រាន់បើប្រសើរស្មើខ្លួន ហើយកើតចិត្តគិតមើលងាយបន្ទាបបន្ថោកអ្នកដទៃដោយទឹកចិត្ត ក្តី ប្រើពាក្យអសុរសទ្រគោះអសីលធម៌ ប្រើសម្តីមើលងាយនិយាយបន្ថោកដោយប្រការផ្សេង ៗក្តី ហើយឡើងអំនួតអួតតំកើងខ្លួនឯងថា គ្មាននរណាដល់ខ្លួន។ បុគ្គលទំាងនេះច្រើនតែជា អ្នកដែលធ្លាក់ជាខ្ញុំកញ្ជះនៃទោសៈ និងសេចក្តីស្រវឹង ព្រោះខ្វះការអប់រំខាងផ្លូវកាយវាចាចិត្ត។ ព្រះបោរាណាចារ្យ បានចែកលក្ខណៈរបស់បុគ្គលពាលថាមាន ៣ … Continue reading →